وزیراعظم عمران خان کو آج برطانوی وزیراعظم بورس جانسن کا ٹیلی فون کال موصول ہوا۔
دونوں وزرائے اعظم نے افغانستان کی تازہ ترین صورتحال پر تبادلہ خیال کیا۔
وزیراعظم عمران خان نے پاکستان کے لیے پرامن اور مستحکم افغانستان کی اہمیت پر زور دیا۔ انہوں نے اس بات پر بھی زور دیا کہ تمام افغانوں کی حفاظت ، سلامتی اور حقوق کا احترام یقینی بنانا انتہائی اہم ہے۔
وزیراعظم نے افغانستان میں ایک جامع سیاسی تصفیے کی اہمیت پر بھی زور دیا۔
وزیراعظم نے افغانستان سے سفارتی عملے اور بین الاقوامی اداروں کے عملے اور دیگر افراد کے انخلاء میں پاکستان کے مثبت کردار کو اجاگر کیا۔
دونوں وزرائے اعظم نے افغانستان میں بدلتی صورتحال کے حوالے سے رابطے میں رہنے پر اتفاق کیا۔
دو طرفہ تناظر میں ، وزیر اعظم نے پاکستان کی طرف سے کوویڈ 19 پر قابو پانے کے لیے اٹھائے گئے وسیع اقدامات پر روشنی ڈالی ، نوٹ کیا کہ متعلقہ ڈیٹا برطانیہ کی جانب سے شیئر کیا گیا ہے ، اور پاکستان کو ریڈ لسٹ سے نکالنے کا مطالبہ کیا گیا ہے۔
