پاکستان کی سینئر اداکارہ بشریٰ انصاری نے اپنی بہن اداکارہ سنبل شاہد کے انتقال سے متعلق اب تک والدہ کو آگاہ نہ کرنے کا انکشاف کیا ہے۔
حال ہی میں اداکارہ بشریٰ انصاری نجی ٹی وی شو میں شریک ہوئیں جہاں انھوں نے سنبل شاہد کے انتقال اور زندگی میں ان کی کمی سے پیدا ہونے والے خلا کے بارے میں بات چیت کی۔
اداکارہ نے بتایا کہ والدہ کی طبیعت کافی ناساز رہتی ہے اور ان کی بینائی 70 فیصد تک ختم ہوگئی ہے۔
