ننھے مداح کی انوکھی فرمائش اور بابراعظم کا جواب

ٹی20 ورلڈکپ میں پاکستان کرکٹ ٹیم کی کارکردگی پر قومی ٹیم کے کپتان بابراعظم کے 8 سالہ مداح نے انہیں خط لکھ دیا۔

سماجی رابطے کی سائٹ ٹوئٹر پر قومی کرکٹ ٹیم کے کپتان بابراعظم نے 8 سالہ ہارون سوریا کا خط شئیر کیا جس میں انہوں نے ٹی20 ورلڈکپ کے دوران قومی ٹیم کی پرفارمنس اور تمام کھلاڑیوں کے آٹو گراف کی فرمائش کی تھی۔

کپتان بابراعظم نے 8 سالہ ہارون کے خط کا جواب دیتے ہوئے لکھا کہ آپ کو کھلاڑیوں کے آٹو گراف مل جائٰیں گے مگر میں آپ کے آٹوگراف کا زیادہ انتظار نہیں کرسکتا.

ہارون سوریا نے اپنے خط میں اس عزم کا اظہار بھی کیا کہ ‘مستقبل میں وہ بھی پاکستان ٹیم کی قیادت کرینگے اور ورلڈکپ جیتیں گے’۔ جس پر بابراعظم نے جواب دیا کہ آپ محنت، توجہ اور یقین سے سب کچھ حاصل کرسکتے ہیں.

Load/Hide Comments

اپنا تبصرہ بھیجیں