پاکستان کی نامور اداکارہ غنا علی کے ہاں بیٹی کی پیدائش ہوئی ہے، اداکارہ نے بیٹی کا نام بھی رکھ دیا ۔
اداکارہ غنا علی نے انسٹاگرام پر مداحوں کو بیٹی کی پیدائش کی اطلاع دی لیکن بیٹی کی تصویر کو ایموجی سے چھپایا ہوا ہے۔
غنا علی نے تصویر شیئر کرتے ہوئے کیپشن میں لکھا کہ ’جس لمحے بچے کی پیدائش ہوتی ہے اسی لمحے ماں بھی پیدا ہوتی ہے، اداکارہ نے بیٹی کا نام ’فائجہ عمیر‘ رکھا ہے.
انہوں نے لکھا کہ ہماری لیے خوشی کا لمحہ آخرکار آہی گیا، یہ ہم دونوں کے لیے بہترین لمحہ ہے، بیٹی ایک بہترین تحفہ ہے جس کی نعمت سے ہمیں نوازا گیا ہے۔
غنا نے مداحوں سے دعاؤں میں یاد رکھنے کی درخواست بھی کی۔
اس سے قبل گزشتہ ہفتے اداکارہ غنا علی نے اپنے ہاں جڑواں بچوں کی پیدائش کی خبر کو غلط قرار دیا تھا ۔
جڑواں بچوں کی پیدائش کی خبر وائرل ہوئیں تو غنا علی نے انسٹاگرام اسٹوری میں ایسی خبروں کو جھوٹا قرار دیا۔
غنا علی نے رواں برس 17 مئی کو شادی کی تھی، جس کے چار ماہ بعد 27 ستمبر کو اداکارہ نے سوشل میڈیا پوسٹس کے ذریعے تصدیق کی تھی کہ وہ امید سے ہیں.
