بیرون ملک جانے کے خواہشمند افراد کو کورونا بوسٹر ڈوز لگانے کی تجویز دے دی گئی ہے۔
ذرائع محکمہ صحت پنجاب کے مطابق دنیا کے بیشتر ممالک سائنو فارم اور سائنو ویک تسلیم نہیں کر رہے ،اس لئے بوسٹر ڈوز لگانا چاہتے ہیں تاکہ وہ بیرون ملک سفر کرسکیں.
ذرائع محکمہ صحت پنجاب کا کہنا ہے کہ بیرون ملک جانے کے خواہشمند ویکسینیٹڈ افراد کو بوسٹر ڈوز کی تیسری اور چوتھی خوراک لگانے کی تجویز پر غور کیا جارہا ہے۔
انہوں نے بتایا کہ بوسٹر ڈوز بیرون ملک جانے کے خواہشمند افراد کی سہولت کے لئے ہوگی، محکمہ صحت پنجاب نے اجازت کے لئے این سی او سی کو خط لکھ دیا ہے
ذرائع کا مزید کہنا ہے کہ محرم کے بعد اگست میں بوسٹرز لگنے کا سلسلہ شروع ہوسکتا ہے۔
