آئی سی سی خواتین ورلڈ کپ کوالیفائر میں شرکت کیلئے پاکستان ٹیم کراچی سے زمبابوے روانہ ہوگئی۔ پاکستان کو ون ڈے سیریز ہرانے والی ویسٹ انڈیز کی ٹیم بھی ساتھ روانہ ہوئی۔
کوالیفائرز میں جویریہ خان پاکستان کی قیادت کریں گی۔ دیگر کھلاڑیوں میں عالیہ ریاض، انعم امین، عائشہ ظفر، ڈیانا بیگ، فاطمہ ثنا، ارم جاوید، کائنات امتیاز، منیبہ علی، نشرہ سندھو، ندا ڈار، عمیمہ سہیل، سعدیہ اقبال ، سدرا امین ، سدرا نواز شامل ہیں۔سلیکشن کمیٹی نے پندرہ رکنی اسکواڈ کے ساتھ تین ریزرو کھلاڑیوں کا بھی اعلان کیا ہے جس میں ایمن انور، رامین شمیم اور ماہم طارق ہیں۔ یہ تینوں پلیئرز ٹریولنگ ریزرو کے طور پر ٹیم کے ساتھ زمبابوے گئی ہیں۔
