پاکستان سمیت بھارت میں بھی اپنی آواز کے سحر سے دلوں میں جگہ بنانے والے گلوکار عاطف اسلم کی فٹ پاتھ پر گٹار تھامے گلوکاری کی ویڈیو وائرل ہوگئی۔
عاطف اسلم کی ویڈیو شاہ زیب عباسی نامی صارف کی جانب سے ٹوئٹر پر شیئر کی گئی جس میں انھیں طلبا کے درمیان زمین پر بیٹھے گنگناتے دیکھا جاسکتا ہے۔
While coming back to LUMS after a friend’s bd we saw Atif Aslam sitting on a pavement so we asked him if he can wish our friend happy bd nd he says to him how old are u and what’s ur score.. Next thing a guy comes in w a guitar nd he starts jamming.. we were right next to him aa https://t.co/4wuz50PK0B pic.twitter.com/rignu2HLtM
— Shahzaib Abbasi (@abbasi_shahzaib) January 28, 2022
صارف نے شیئر کی گئی ٹوئٹ میں لکھا کہ وہ اپنے ایک دوست کی سالگرہ کی تقریب کے بعد دوستوں کے ہمراہ یونیورسٹی (LUMS) آئے تو اُنہوں نے یونیورسٹی کے پیومنٹ میں گلوکار کو بیٹھے ہوئے دیکھا۔
صارف نے مزید لکھا کہ’ اُنہوں نے عاطف اسلم کو بتایا کہ آج اُن کے دوست کی سالگرہ ہے اور درخواست کی کہ اس دوست کے لیے ایک گانا گنگنادیں جس کے بعد گلوکار نے اس درخواست پر برتھ ڈے بوائے سے اس کی عمر پوچھی اور گِٹار لا کر گانا شروع کردیا ‘
صارف کے ویڈیو شیئر کرتے ہی ویڈیو سوشل میڈیا پر وائرل ہوگئی ہے۔
