وزیراعظم عمران خان نے خالد منصور کو معاون خصوصی برائے سی پیک امور تعینات کرنے کی منظوری دے دی ہے۔
اسد عمر نے ٹویٹ کے ذریعے خالد منصور کو CPEC امور کے لیے معاون خصوصی مقرر ہونے ٹیم میں خوش آمدید کہا ۔
تفصیلات کے مطابق خالد منصور کو معاون خصوصی برائے سی پیک امور تعینات کر دیا گیا ہے جس کی منظوری وزیراعظم نے دے دی ہے۔
خیال رہے کہ سی پیک اتھارٹی کے چیئرمین لیفٹننٹ جنرل (ر) عاصم سلیم باجوہ اپنے عہدے سے مستعفی ہوگئے ہیں۔
انہوں نے بھی خالد منصور کیلئے نیک خواہشات کا اظہار کیا ہے۔
I bow my head before Allah Almighty for giving me an opportunity to raise & steer the important institution of CPEC Authority as one window for all CPEC projects, charting the future direction. Wouldn’t have been possible without full confidence& support of the PM & his Govt-1/2
— Asim Saleem Bajwa (@AsimSBajwa) August 3, 2021
عاصم سلیم نے اپنی ٹویٹ میں لکھا کہ خالد منصورکوخوش آمدید کہتاہوں اللہ تعالیٰ ان کاحامی وناصرہو۔ اللہ تعالیٰ کا شکرادا کرتا ہوں کہ سی پیک اتھارٹی کو پروان چڑھانے میں کردارادا کیا۔
وزیر منصوبہ بندی اسد عمر نے بھی ٹوئٹ کرتے ہوئے کہا کہ خالد منصور کا کارپوریٹ امور اور چینی کمپنیوں کے ساتھ کام کرنے کا وسیع تجربہ ہے۔ان کی براہ راست شمولیت انہیں اس منصوبے کو اگلے مرحلے کی قیادت کے لیے ایک مثالی شخص بنا دیتی ہے۔
I welcome khalid mansoor to the team as SAPM for CPEC affairs. His vast corporate experience , with extensive work with Chinese companies and his direct involvement in leading some of the biggest CPEC projects makes him an ideal person to lead the next phase of CPEC
— Asad Umar (@Asad_Umar) August 3, 2021
وفاقی وزیر اسد عمر نے کہا کہ میں عاصم سلیم باجوہ کا شکر گزار ہوں۔ سی پیک کو آگے بڑھائیں اور دوسرے مرحلے میں منتقلی کے ساتھ اس کے دائرہ کار کو وسیع کرنے میں انہوں نے اہم کردار ادا کیا۔
