پاکستان ڈرامہ انڈسٹری کی معروف جوڑی اداکارہ حبا بخاری اور اداکار آریز احمد رشتہ ازدواج میں منسلک ہو گئے۔
تفصیلات کے مطابق ادکارہ حبا بخاری کی نکاح کی تقریب گزشتہ روز ہوئی جس کے بعد پاکستانی انڈسٹری میں ایک اور فنکار جوڑی کا اضافہ ہو گیا۔ اس موقع پر اداکارہ بے حد خوش نظر آئیں اور انہوں نے نکاح کی تقریب سے خوبصورت تصاویر بھی اپنے مداحوں کیلئے شئیر کیں،حبا نے اپنے نکاح کی تقریب کیلئے روایتی سفید غرارے کا انتخاب کیا جب کہ اس کے ساتھ نیٹ کا دوپٹہ لے رکھا تھا۔
خیال رہے کہ جوڑے کی مایوں کی تقریب اس ہفتے کے شروع میں ہوئی تھی، جس میں حبا نے روایتی پیلے رنگ کا لباس پہنا تھا۔
قبل ازیں دسمبر میں اداکارہ حبا بخاری نے انسٹا گرام کے ذریعے اپنے تعلق کے بارے میں مداحوں کو بتایا تھا۔انہوں نے ایک تصویر شئیر کی تھی جس میں دونوں نے ایک دوسرے کے ہاتھ پکڑے ہوئے تھے۔
حبا نے اپنی محبت کا اظہار کرتے ہوئے تصویر کے کیپشن میں لکھا کہ، ’’مجھے آج بھی یاد ہے کہ بھولی بانو میں آپ کا ہاتھ پکڑے ہوئے میں کتنی ججھک محسوس کر رہی تھی، اور آج میں آپ کے ہاتھوں میں سب سے زیادہ محفوظ محسوس کر رہی ہوں۔!
