قومی کرکٹ ٹیم کے سابق کپتان شاہد آفریدی کا کہنا ہے کہ شعیب ملک کی اننگز بُوم بُوم تھی۔
سماجی رابطے کی ویب سائٹ ٹوئٹر پر اپنے جاری کردہ بیان میں شاہد آفریدی نے لکھا کہ پاکستان ٹیم کی مسلسل پانچویں فتح کی خوشی نا قابلِ بیاں ہے۔
پاکستان ٹیم کی مسلسل پانچویں فتح کی خوشی نا قابلِ بیاں ہے۔شعیب ملک کی اننگز بُوم بُوم تھی۔
All the best for the semi final 🙌🏼@realshoaibmalik #PAKvSCO— Shahid Afridi (@SAfridiOfficial) November 7, 2021
واضح رہے کہ اسکاٹ لینڈ سے گزشتہ روز ہوئے مقابلے میں پاکستان کی جانب سے شاداب خان نے 2 وکٹیں حاصل کی تھی جبکہ شاہین آفریدی، حارث رؤف اور حسن علی نے 1،1 وکٹ حاصل کی تھی۔
شعیب ملک کو 54 رنز کی جارحانہ اننگ کھیلنے پر مین آف دی میچ کا ایوارڈ دیا گیا تھا۔
پاکستا ن نے سپر 12 مرحلے میں ناقابل شکست رہتے ہوئے سیمی فائنل کے لیے کوالیفائی کرلیا ہے جبکہ پاکستا ن کا سیمی فائنل میں مقابلہ آسٹریلیا سے ہو گا۔
