اسلام آباد: وزیرخارجہ شاہ محمود قریشی اور امریکی وزیر خارجہ انٹونی بلنکن کا ٹیلی فونک رابطہ ہوا۔
ترجمان دفتر خارجہ کے مطابق شاہ محمود اور ان کے امریکی ہم منصب کےدرمیان افغانستان میں تیزی سے بدلتی صورتحال پر تبادلہ خیال کیا گیا۔
اس موقع پر شاہ محمود قریشی نے امریکی ہم منصب کو افغان صورتحال میں نمایاں تبدیلی اور تشدد سے اجتناب کے بارے میں پاکستان کے نقطہ نظر سے آگاہ کیا۔
Spoke with @SecBlinken on the rapidly changing situation in Afghanistan:
➖ Stressed the importance of an inclusive political settlement as the best way forward.
➖ Highlighted Pakistan will remain closely engaged w/ U.S./ partners to support a peaceful & stable Afghanistan.— Shah Mahmood Qureshi (@SMQureshiPTI) August 16, 2021
ترجمان دفتر خارجہ کے مطابق امریکی وزیر خارجہ سے گفتگو میں شاہ محمود قریشی نے آگے بڑھنے کے بہترین راستے کے طور پر افغان تنازع کے جامع سیاسی تصفیے کی اہمیت پر زور دیا۔
وزیر خارجہ نے کہا کہ پاکستان پرامن افغانستان کے لیے امریکا اور دیگر عالمی شراکت داروں سے رابطے میں رہے گا، افغانستان کے ساتھ امریکی اقتصادی روابط کا جاری رہنا بھی ضروری ہے۔
شاہ محمود نے امریکی ہم منصب کو سفارتی مشنز، بین الاقوامی تنظیموں، میڈیا اور دیگر افراد کے انخلا میں سہولت فراہم کرنے کی پاکستان کی کوششوں سے بھی آگاہ کیا۔
