شان شاہد کا علی عظمت کے بیان پر شدید ردّ عمل

ماضی میں پاکستان فلم انڈسٹری کے معروف اداکار شان شاہد نے علی عظمت کے میڈم نور جہاں کی ظاہری شخصیت پر دیے بیان پر شدید ردعمل دیا ہے۔

انہوں نے میڈم نورجہاں کی حمایت میں لکھا کہ میڈم نور جہاں پاکستان میں موسیقی کی پہچان ہیں۔

شان شاہد نے کہا کہ میڈم نور جہاں کی آواز آج تک ناصرف عام لوگوں میں زندہ ہے بلکہ 1965 کے بعد سے یومِ دفاع کے موقع پر ان کی خدمات کا اعتراف آج تک کیا جاتا ہے۔

شان شاہد نے لکھا کہ ہمیں خود دوسروں سے محبت اور احترام کرنا سیکھنا چاہیے۔

خیال رہے کہ علی عظمت نے حال ہی میں اپنے انٹرویو میںبرسوں سے تبدیل ہوتی پاکستان میوزک انڈسٹری سے متعلق گفتگو کرتے ہوئے کہا کہ میرے بچپن میں نورجہاں ساڑھی کے ساتھ بڑے بڑے جھمکے اور بُندے پہن کر اور اضافی میک اپ کرکے گانے گاتی تھیں، اس وقت ہمیں ان سے چِڑ ہوتی تھی۔

بعد ازاں اپنے ایک وضاحتی ویڈیو بیان میں علی عظمت نے کہا کہ سوشل میڈیا پر میرے حوالے سے ایک مہم چلائی جارہی ہے، جس میں میرا اور نورجہاں کا مقابلہ کیا جارہا ہے، علی عظمت نے کہا کہ جس نے بھی یہ ویڈیو پوسٹ کی ہے پوری نہیں کی بلکہ ایڈیٹ کرکے کی ہے۔

علی عظمت نے کہا کہ نور جہاں کے حوالے سے جو میں نے بات کی ہے وہ بات بالکل سچ ہے، میں نے اپنے بچپن کے بارے میں بات کی ہے اس زمانے میں صرف پی ٹی وی چلتا تھا، اس وقت نور جہاں کی پریزنٹیشن اچھی نہیں تھی، ہمیں دیکھنے کو جو ملتا تھا اس حوالے سے میں نے اپنی رائے دی تھی۔

Load/Hide Comments

اپنا تبصرہ بھیجیں