کراچی: وزیر صحت سندھ عذرا پیچوہو نے کہا ہےکہ شادیوں کے سیزن کی وجہ سے وائرس پھیل رہا ہے۔
نجی ٹی وی کے پروگرام میں گفتگو کرتے ہوئے عذرا پیچوہو نے کہا کہ ہمارے یہاں ڈیلٹا وائرس موجود ہے اور اومی کرون امپورٹڈ ہے جب کہ اومی کرون کا پھیلاؤ زیادہ ہے۔
انہوں نے کہا کہ شادیوں کا سیزن ہے جس کی وجہ سے وائرس پھیلاتا ہے۔
وزیر صحت کا کہنا تھا کہ ہم نے شروع میں ویکسین کی خریداری کے لیے ڈریپ سے درخواست کی تھی، ڈریپ نے ویکسین خریداری کی اب تک اجازت نہیں دی، وفاقی حکومت ویکسین فراہم کررہی ہے اس لیے ابھی ہمیں امپورٹ کرنے کی ضرورت نہیں۔
