پاکستانی اداکارہ سونیا حسین نے والدین کے لیے نیا گھر خرید لیا۔
انسٹاگرام پر اداکارہ نے ایک ویڈیو شیئر کرتے ہوئے مداحوں کو نیا گھر لینے کی خوشخبری سنائی۔
اداکارہ نے ویڈیو کے کیپشن میں لکھا کہ ’ہر اولاد کی خواہش ہوتی ہے کہ وہ ماں باپ کے لیے کچھ اور نہ سہی مگر ایک چھوٹا سا گھر ضرور بنائیں، وہ گھر جسے دل سے وہ اپنا کہہ سکیں ’۔
اداکارہ نے لکھا کہ آج میری زندگی کا سب سے بڑا خواب حقیقت بن گیا میرے امی ابو کا گھر’ آشیانہ تسنیم ‘۔
سونیا نے ویڈیو کو اپنی زندگی کا سب سے خوبصورت لمحہ قرار دیتے ہوئے لکھا کہ ایسا یادگار لمحہ جسے میں زندگی کی آخری سانس تک یاد رکھوں گی۔
ویڈیو میں اداکارہ کو والدین اور اہل خانہ کے ہمراہ نئے گھر کی خوشی مناتے اور جذباتی ہوتے دیکھا جاسکتا ہے۔
بعد ازاں ویڈیو میں اداکارہ کے نئے گھر کے مناظر بھی عکس بند ہیں جس میں ان کے والدین کو ربن کاٹ کر گھر میں داخل ہوتے دیکھا گیا۔
