ایک سعودی نوجوان خاتون نے اسکول بس کے مالک ہونے کا اپنا خواب پورا کر دیا۔
اسے اسکول بس کے ساتھ شدید لگا اور بے پناہ محبت تھی۔ اس کی بس کو الصیاھید میں شاہراہ الدھنا پر شاہ عبدالعزیز اونٹ میلے کے دوران نمائش کے لیے پیش کیا گیا ۔
میڈیارپورٹس کے مطابق سعودی دوشیزہ سارہ السبیعی نے اپنی کہانی بتاتے ہوئے کہا کہ جب سے میں چھوٹی تھی،مجھے اسکول بس میں سوار ہونا پسند تھا۔ اگر ایک صبح میری بس چھوٹ جاتی تو میں رو پڑتی۔ یہ اس سے میری محبت تھی۔ میں سوچتی تھی اوربڑی ہو کر بس خریدنے کا خواب دیکھتی تھی اور اپنا کاروبار کرنے کا منصوبہ بناتی۔
اس نے مزید کہا کہ اپنی شادی کے بعد میں نے اپنے شوہر کو یہ خیال پیش کیا جس نے اس میں میرا ساتھ دیا۔ ہم الحراج مارکیٹ گئے اور ایک اسکول بس خریدی۔ پھر ہم اسے ضروری سامان بنانے کے لیے ورکشاپ میں لے گئے۔ تاکہ ہم اسے اپنے منصوبے کے مطابق تیار کرسکیں۔ ہم اس کی تیاری کے کام کی نگرانی کے لیے روز ورکشاپ جاتے۔ ہم گھنٹوں ورکشاپ میں رہتے اور ہمیں وقت گذرنے کا احساس تک نہ ہوتا۔ ہم بس کے قریب ہی قالین بچھا لیتے اور اپنے پروجیکٹ کے بارے میں بات کرتے۔السبیعی نے مزید کہا کہ ہم نے تیاری کا مرحلہ مکمل کرنے کے بعد ریاض سیزن میں شرکت کی امید تھی لیکن ہم ایسا کرنے سے قاصر تھے۔اس لیے ہم ریاض کی ایک گلی میں گئے اور وہاں اپنا پراجیکٹ ایک موبائل کیفے کھولا۔ یہ بہت مشہور تھا۔ بہت سے صارفین نے ہمیں کہا کہ ہمیں بس لے جانا چاہیے۔ہم نے سوچاکہ ہمیں شاہ عبدالعزیز اونٹ فیسٹیول میں لے گئے جہاں ہمیں ہر طرح کے کافی سے محبت کرنے والے ملیں گے۔
اس نے مزید کہا کہ ہم نے خود کو تیار کیا اور ماح کی طرف خاص طور پر الصیاد کی الدہنا شاہراہ کی طرف چلے گئے۔ پہلے ہی دن ہمارے پاس بڑی تعداد میں گاہک آئے۔ ان میں ، مقامی، عرب اور غیرملکی تھے جنہوں نے ہماری تیار کردہ کافی کو بے حد پسند کیا۔انہوں نے کہاکہ الحمد للہ، میرا پورا دن اسکول بس میں گزارنے کا میرا خواب پورا ہوا۔
