پنڈی نیشنل اسٹیڈیم میں کھیلے جارہےمیچ میں خیبرپختون خواکے کپتان محمد رضوان نے ٹاس جیت کر پہلےفیلنڈنگ کا فیصلہ کیا، جس کو بولرز نے درست ثابت کیا۔ سندھ کی ٹیم بیٹنگ وکٹ پر محض 150 رنز بناسکی۔
اوپنر شرجیل خان نے اننگز کا جارحانہ آغاز کیا تاہم 25رنز بناکر ارشد اقبال کا شکار بنے، کپتان سرفراز احمد اور دانش عزیز بغیر کوئی رن بنائے وکٹ گنوا بیٹھے جبکہ شان مسعود 13، سعود شکیل 32، رومان رئیس 10 رنز کے ساتھ نمایاں رہے۔
خرم منظور نے سندھ کےلیے مزاحمت کرتے ہوئے 36گیندوں پر 54 رنز کی اننگز کھیلی، انور علی 7 رنز بناکر ناٹ آؤٹ رہے.
کے پی کے کی جانب سے بولرز نے شاندار کارکردگی کا مظاہرہ کیا، آصف آفریدی اور عمران خان نے 2،2 کھلاڑیوں کو پویلین کی راہ دیکھائی جبکہ ارشد اقبال ایک وکٹ حاصل کرنے میں کامیاب ہوئے۔
