افغانستان کے کھلاڑی حضرت اللّٰہ زازئی پاکستان سپر لیگ کی فرنچائز پشاور زلمی کے اسکواڈ کو آج جوائن کریں گے۔
حضرت اللّٰہ زازئی کورونا میں مبتلا ہونے کے بعد قرنطینہ میں تھے لیکن اب وہ صحتیاب ہوگئے ہیں۔
ترجمان پشاور زلمی کا کہنا ہے کہ حضرت اللّٰہ زازی آج نیشنل اسٹیڈیم کراچی میں ہونے والی پریکٹس میں شرکت کریں گے۔
اس کے علاوہ ترجمان کا یہ بھی کہنا ہے کہ پشاور زلمی کےثاقب محمود کل کراچی پہنچیں گے۔
یاد رہے کہ ثاقب محمود سمیت 6 انگلش کھلاڑی کل کراچی پہنچ رہے ہیں جہاں وہ اپنی اپنی ٹیموں کو جوائن کریں گے۔
