ایف آئی ایچ جونیئر عالمی ہاکی کپ میں پاکستان نے آخری میچ میں پولینڈ کو پانچ گول سے شکست دے دی ہے۔
تفصیلات کے مطابق انڈیا کے شہر بھوبنیشور میں جاری ایف آئی ایچ جونیئر عالمی ہاکی کپ مقابلوں میں 11/12ویں پوزیشن کے میچ میں پاکستان نے پولینڈ کو 0-5 گول سے شکست دیکر 11ویں پوزیشن حاصل کرلی ہے۔
پاکستان کی جانب سے تین گول پینلٹی کارنرز کے ذریعہ اور دو فیلڈ گول اسکور کئے گئے۔
پاکستان کی جانب سے رضوان علی نے پہلے دو پینلٹی کارنرز پر تیزرفتار ڈریگ فلک کے ذریعہ گول اسکور کئے جبکہ کپتان رانا وحید نے ساتھی کھلاڑی رضوان علی کے پاس پر گول اسکور کیا۔
پاکستان کی جانب سے معین شکیل اور حماد الدین انجم نے فیلڈ گول اسکور کئے۔
ایف آئی ایچ میگا ایونٹ میں 16 ٹیموں نے شرکت کی۔
جونیئر عالمی ہاکی کپ کا فائینل کل پانچ دسمبر کو ارجنٹائن اور جرمنی کے مابین کھیلا جائیگا ۔
آٹھ سال بعد عالمی جونیئر ہاکی کپ میں شرکت کرنے والی پاکستان ٹیم اس ایونٹ میں فائینل کھیلنے والی دونوں ٹیموں جرمنی اور ارجنٹائن کے ہمراہ پول ڈی میں شامل تھی۔
