کوئٹہ میں بغیر ویکسینیشن ملازمین کو سیکرٹریٹ جانے پر پابندی لگادی گئی ہے۔
ڈپٹی کمشنر عرفان میمن کی سربراہی میں کوئٹہ انتظامیہ نے بغیر ویکسین ملازمین کو سول سیکرٹریٹ جانے سے روک دیا ہے۔
خیال رہے کہ ویکسینیشن ٹیم سے ویکسینیشن کرانے کے بعد ہی ملازمین کو سیکرٹریٹ جانے کی اجازت دی گئی ہے۔
اس حوالے سے ڈپٹی کمشنر کوئٹہ عرفان نواز میمن نے میڈیا سے گفتگو کرتے ہوئے کہا کہ لوگ زیادہ سے زیادہ ویکسین لگوائے، جب تک سختی نہ کی جائے تب تک لوگ باتوں پر عمل نہیں کرتے۔
ڈپٹی کمشنر کوئٹہ کا کہنا ہے کہ ڈپٹی کمشنر آفس میں بغیر ویکسین کارڈ کے لوگوں کو داخلے کی اجازت نہیں، بغیر ویکسین کارڈ کے مختلف سرکاری دفاتر میں عوام کے داخلے پر پابندی عائد کردی ہے۔
انہوں نے مزید کہا کہ مختلف اسپتالوں میں ویکسین پوائنٹ قائم کیے گئے ہیں، عوام آسانی سے اسپتالوں سے ویکسین لگواسکتے ہیں۔
