حکومت سندھ نےکورونا کی اومی کرون قسم کے خلاف اقدامات کرتے ہوئےگزشتہ ایک ہفتے میں جنوبی افریقا سے آنے والے تمام مسافروں کے ٹیسٹ کرنےکا فیصلہ کیا ہے۔
اس سلسلے میں محکمہ صحت نے وفاقی تحقیقاتی ایجنسی (ایف آئی اے) سے مسافروں کی تفصیلات دینےکی درخواست کردی ہے۔
ذرائع کے مطابق تمام مسافر اور ان کے رابطے میں آنے والوں کے ٹیسٹ بھی کیے جائیں گے، ٹیسٹ مثبت آنے پرنمونوں کی تفصیلی جانچ کی جائےگی۔
اومی کرون کی تصدیق کے لیے نمونوں کی جینیاتی لیب میں جانچ کی جائےگی جس سے اومی کرون قسم کی تصدیق ہوسکےگی۔
اس سلسلے میں جامعہ کراچی، ڈاؤ اوجھا اور اسٹیڈیم روڈ پر واقع اسپتال میں Sequencing مشین پہلے ہی موجود ہے۔
