امریکا میں سڑک کے بیچوں بیچ ڈالروں کی بارش

امریکا کے شہر کیلی فورنیا کی ہائی وے پر اچانک ٹرک کا دروازہ کھل جانے سے ڈالرز سڑک پر اڑنے لگے، جس سے ڈالروں کی بارش شروع ہوگئی۔

غیر ملکی خبر رساں ایجنسی کے مطابق امریکا میں سین ڈیاگو کی مشہور شاہراہ پر ارمر ٹرک کا دروازہ اچانک کھل جانے سے ٹرک میں موجود ڈالرز ہوا میں اڑ گئے۔

ہزاروں ڈالر اس طرح ہوا میں اڑے جیسے ابھی ابھی ڈالرز کی بارش ہو رہی تھی۔

ارمر ٹرک کیلی فورنیا فری وے پر بینک سے کرنسی لے کر جا رہا تھا۔

سڑک پر ڈالر بکھرتے دیکھ کر لوگ اپنی گاڑیاں روکنا اور ڈالر لوٹنا شروع ہوگئے، جس سے شاہراہ پر افراتفری پھیل گئی اور سڑک بلاک ہوگئی.

کئی افراد نے گاڑیوں سے اتر کر اپنی جیبوں میں ڈالر بھرنا شروع کیے۔ تاہم فورا ہی پولیس موقع پر پہنچ گئی اور حالات کو قابو میں کیا۔

پولیس نے ڈالر لوٹنے والے دو افراد کو موقع پر ہی گرفتار بھی کر لیا اور ڈالرز برآمد کر لیے.

پولیس افسر کے مطابق شاہراہ پر نوٹوں کے ٹرک کا دروازہ کھل جانے کے باعث بڑی تعداد میں ڈالرز سڑک پر بکھر گئے تاہم ہماری پاس رقم لوٹنے والوں کے خلاف ویڈیوز موجود ہیں جن سے رقم برآمد کر لی جائے گی۔

Load/Hide Comments

اپنا تبصرہ بھیجیں