معروف پاکستانی اداکارہ اقراء عزیز نے والدہ اور بیٹے کبیر حسین کے ہمراہ خوبصورت تصویر مداحوں کے ساتھ شیئر کی ہے جسے انٹرنیٹ پر خوب پسند کیا جا رہا ہے۔
اقراء عزیز کی جانب سے اکثر و بیشتر ہی اپنی نئی تصویریں، ویڈیوز اور گھومتے پھرتے بنائے گئے وی لاگز مداحوں کے ساتھ شیئر کیے جاتے رہتے ہیں۔
جیو انٹرٹینمنٹ کے بلاک بسٹر ڈرامہ سیریل ’خدا اور محبت ‘ کے تیسرے سیکوئل میں مرکزی کردار ’ماہی‘ ادا کرنے والی اداکارہ اقراء عزیز نے اپنی والدہ اور ننھے سے بیٹے کبیر حسین کے ہمراہ نئی تصویر شیئر کرتے ہوئے اِنہیں اپنی زندگی قرار دیا ہے۔
اقراء عزیز کی جانب سے شیئر کی گئی تصویر میں دیکھا جا سکتا ہے کہ اُن کی والدہ اپنے نواسے کو اٹھائے ہوئے ہیں جبکہ اس دوران اقراء عزیز کیمرے کی طرف دیکھتے ہوئے منہ چڑا رہی ہیں، تصویر میں کبیر حسین کا چہرہ نظر نہیں آ رہا۔
واضح رہے کہ تا حال شوبز انڈسٹری کی فنکار جوڑی اقراء عزیز اور یاسر حسین نے اپنے نوزائیدہ بیٹے کبیر حسین کے چہرے کی تصویریں مداحوں کے ساتھ شیئر نہیں کی ہیں۔
