کایلی جینر کے ہاں دوسرے بچے کی پیدائش متوقع

سیلف میڈ ارب پتی ماڈل و بیوٹی انفلوئنسر 24 سالہ کایلی جینر کے ہاں باضابطہ شادی سے قبل ہی دوسرے بچے کی پیدائش متوقع ہے۔

کایلی جینر پہلے ہی تین سالہ بیٹی کی ماں ہیں اور انہوں نے تاحال اپنے بوائے فرینڈ گلوکار تریوس اسکاٹ سے باضابطہ طور پر شادی بھی نہیں کی۔

شوبز ویب سائٹ ’پیج سکس‘ نے اپنی رپورٹ میں متعدد ذرائع کا حوالہ دیتے ہوئے بتایا کہ ماڈل و کاسمیٹک گرو کے ہاں جلد دوسرے بچے کی پیدائش متوقع ہے۔

رپورٹ میں بتایا گیا کہ کایلی جینر کے حاملہ ہونے سے متعلق ذرائع نے ایسے وقت میں تصدیق کی ہے جب کہ حال ہی میں ان کی والد کیٹلان جینر نے میڈیا کو بتایا تھا کہ وہ مزید ایک بچے کے گرانڈ پیرنٹ بننے والے ہیں۔

اگرچہ ذرائع نے دعویٰ کیا کہ کایلی جینر چند ماہ کے حمل سے ہیں، تاہم تاحال ان کے خاندان یا خود انہوں نے اس حوالے سے کوئی تصدیق یا تردید نہیں کی۔

کایلی جینر ماضی میں متعدد بار اعتراف کر چکی ہیں کہ انہیں بہت زیادہ بچوں کی خواہش ہے اور وہ چاہتی ہیں کہ وہ کم از کم 7 بچوں کو جنم دیں۔

اپنا تبصرہ بھیجیں