چیئرمین سینیٹ محمد صادق سنجرانی کی ایران کے نو منتخب صدر سید ابراہیم ریئسی سے تہران میں ملاقات

چیئرمین سینیٹ محمد صادق سنجرانی کی پارلیمانی وفد کے ہمراہ ایران کے نو منتخب صدر سید ابراہیم ریئسی سے تہران میں ملاقات، دونوں رہنماؤں کے مابین پاکستان ایران تعلقات علاقائی ترقی، اقتصادی تعاون اور پارلیمانی روابط کو مربوط بنانے پر تبادلہ خیال۔

چیئرمین سینیٹ ایران کے نو منتخب صدر کی تقریب حلف برداری میں شرکت کیلئے دو روزہ دورے پر ایران میں ہیں، چیئرمین سینیٹ کو وزیراعظم پاکستان عمران خان نے حلف برداری کی تقریب میں پاکستان کی نمائندگی کیلئے نامزد کیا تھا۔
نومنتخب صدر سے ملاقات کے دوران پاکستان اور ایران کے مابین پارلیمانی روابط کو مزید فروغ دینے اور اقتصاد ی تعلقات کے استحکام پر اتفاق کیا گیا۔ چیئرمین سینیٹ نے اس موقع پر ایران کے نو منتخب صدر کیلئے پاکستانی قوم،پارلیمان، صدر اور وزیراعظم کی جانب سے نیک خواہشات کا اظہار کیا۔

چیئر مین سینیٹ نے کہا کہ انکی قیادت میں پاکستان اور ایران کے مابین دیرینہ، مذہبی، ثقافتی اور تجارتی تعلقات مزید مربوط ہونگے۔ دونوں رہنماؤں کے مابین اسلامو فوبیا کے بڑھتے ہوئے رجحانات کا مقابلہ کرنے کیلئے مشترکہ کاوشیں کرنے پر بھی اتفاق کیا گیا۔
دونوں ملکوں کے مابین پارلیمانی وفود کے تبادلوں میں اضافے کی ضرورت ہے ، دونوں ملکوں کے مابین اقتصادی روابط اور تجارت کے فروغ کیلئے مزید اقدامات اٹھانے کی بھی ضرورت ہے۔

صادق سجرانی نے کہا کہ بلوچستان سے منسلک ایران کے سرحدی علاقوں میں مزید ترقی سے دونوں ملکوں کے مابین عوامی رابطوں اور تجارتی تعاون میں مزید تیزی آئے گی۔ دونوں رہنماؤں کے مابین مسئلہ کشمیر اور فلسطین کے حوالے سے بھی گفتگو ہوئی۔

جیئر مین سینیٹ نے کہا کہ کشمیر یوں کی حق خود ارادیت کی حمایت اور کشمیروں پر بھارتی مظالم کی روک تھام کیلئے عالمی برادری کو مشترکہ کردار ادا کرنا ہو گا۔کشمیروں کی حق خود ارادیت کی مسلسل حمایت پر ایرانی قیادت کا شکریہ ادا کیا۔

ان کا مزید کہنا تھا کہ دونوں ملکوں کے مابین تجارت کے فروغ کیلئے بلوچستان کے سرحدی علاقوں میں مزید تجارتی راستے کھولنے اور سرحدی منڈیاں قائم کرنے کی ضرورت ہے۔ ایران سے بلوچستان سے سرحدی علاقوں گوادر، تربت، پنجگور اور مکران ڈویژ ن کو بجلی کی بلا تعطل فراہمی یقینی بنانے کی بھی درخواست۔

ایرانی نو منتخب صدر نے کہا کہ علاقائی تجارت کے فروغ کیلئے درپیش حائل روکاوٹوں کو دور کرنے اور بلوچستان کے علاقوں کو بجلی کی بلاتعطل فراہمی کیلئے درپیش مسائل کو فوری حل کیا جائے گا۔

اپنا تبصرہ بھیجیں