ملائیشیا کے وزیراعظم نے 17 ماہ کے بعد عہدہ چھوڑ دیا

ملائیشیا کے وزیراعظم اور ان کی حکومت نے صرف 17 ماہ اقتدار میں رہنے کے بعد استعفیٰ دے دیا جس کی وجہ سے ملک میں تازہ سیاسی انتشار دیکھا جارہا ہے، جو سنگین کورونا وائرس کے پھیلاؤ سے پہلے ہی لڑ رہا ہے۔

غیر ملکی خبر رساں ادارے اے ایف پی کی رپورٹ کے مطابق محی الدین یٰسین کی انتظامیہ کا ہنگامہ خیز دور اس وقت ختم ہوا جب اتحادیوں نے حمایت واپس لے لی اور ان کے اقتدار میں رہنے کی آخری کوشش ناکام ہو گئی اور وہ ملائیشیا کی تاریخ میں سب سے کم مدت کے لیے بننے والے پہلے وزیر اعظم بن گئے۔

کابینہ کے اجلاس کے بعد 74 سالہ محی الدین یٰسین ملائیشیا کے بادشاہ کو اپنا استعفیٰ پیش کرنے کے لیے ان کے محل کی طرف روانہ ہوئے۔

وزیر سائنس خیری جمال الدین نے انسٹاگرام پر تصدیق کی کہ پوری کابینہ نے استعفیٰ دے دیا ہے۔

اپنا تبصرہ بھیجیں