واشنگٹن : سابق امریکی صدر ڈونلڈ ٹرمپ نے طالبان کی جانب سے ٹویٹر کے استعمال پر کہا کہ جب طالبان جیسے جنگجو اس پلیٹ فارم کو عوامی رابطے کیلئے استعمال کر سکتے ہیں تو مجھے اس حق سے کیوں محروم رکھاگیا ہے ۔
العربیہ ڈاٹ نیٹ کے مطابق امریکہ کے سابق صدر ڈونلڈ ٹرمپ نے میکس نیوز سے گفتگو کرتے ہوئے کہا کہ کسی کیلئے یہ بات انتہائی ہتک آمیز ہے کہ جب ٹویٹر چوروں ، قاتلوں ، آمروں کیلئے عوامی رابطے کا پلیٹ فارم مہیا کر رہا ہے تو سابق عوامی صدر جس کے کئی ملین چاہنے والے ہیں کو عوامی رابطے سے محروم کر دیا گیا ہے ۔
