بھارتی ٹی وی ڈراموں کے مقبول اداکار سدھارتھ شکلا کے انتقال کے بعد زندگی سے متعلق ان کی کچھ پرانی ٹوئٹس سوشل میڈیا پر وائرل ہورہی ہیں جنہیں ان کے مداحوں کی جانب سے بھی شیئر کیا جارہا ہے۔
سدھارتھ شکلا کی اچانک موت کے بعد سوشل میڈیا پر ان کی کچھ ٹوئٹس وائرل ہورہی ہیں جس میں انہوں نے کہا تھا کہ زندگی بہت مختصر ہے جبکہ ایک اور ٹوئٹ میں انہوں نے زندگی کو غیر متوقع قرار دیا تھا۔
فروری میں کی گئی ٹوئٹ میں سدھارتھ شکلا نے لکھا تھا کہ ‘زندگی بہت مختصر ہے یہ فکر کرنے کے لیے کہ دوسرے کیا کہتے ہیں یا آپ کے بارے میں سوچتے ہیں صرف زندگی سے لطف اندوز ہوں اور ان کو بات کرنے دیں’۔
Life’s too short to worry about what others say or think about you …….. just enjoy life .. have fun … and give them something to talk about 😉
— Sidharth Shukla (@sidharth_shukla) February 23, 2021
اس سے قبل ستمبر 2020 میں کی گئی ایک اور ٹوئٹ میں انہوں نے کہا تھا کہ ‘آپ جو کچھ آج کرتے ہیں وہ آپ کے مستقبل کا فیصلہ کرتا ہے، آپ صرف ایک مرتبہ جیتے تو اسے شیر کی طرح جیئیں چاہے وہ ایک دن کی ہی کیوں ہو، بجائے اس کے کہ آپ زندگی کو بھیڑ کی طرح بسر کریں’۔
What you do today decides your future……You only live once make it count…..Live like a Lion even if that is for a day rather than living the rest of your life like a sheep …
— Sidharth Shukla (@sidharth_shukla) September 25, 2020
سدھارتھ شکلا کے انتقال پر بھارتی میڈیا انڈسٹری اور ان کے مداح گہرے دکھ اور صدمے میں ہیں جبکہ ان کے حوالے سے ‘Rest in Peace’ کا ہیش ٹیگ پاکستان میں بھی ٹوئٹر پر ٹرینڈ کررہا تھا۔
