آئی سی سی کی جانب سے ٹی ٹوئنٹی ورلڈکپ کے شیڈول کا اعلان

انٹرنیشنل کرکٹ کونسل (آئی سی سی) نے ٹی ٹوئنٹی ورلڈکپ کے شیڈول کا اعلان کردیا۔

ٹی ٹوئنٹی ورلڈکپ کا آغاز عمان اور متحدہ عرب امارات میں 17 اکتوبر سے ہوگا جب کہ روایتی حریف پاکستان اور بھارت 24 اکتوبر کو دبئی میں آمنے سامنے ہوں گے۔

ٹی ٹوئنٹی ورلڈکپ میں 12 ٹیمیں شرکت کریں گی جس میں پاکستان ٹیم اپنا پہلا میچ 24 اکتوبر کو بھارت کے خلاف کھیلے گی جب کہ پاکستان اور نیوزی لینڈ کے درمیان مقابلہ 26 اکتوبر کو شارجہ میں ہوگا۔

پاکستان اور افغانستان 29 اکتوبر کو دبئی میں مدمقابل ہوں گے، پاکستان اور کوالیفائیر اے 2 کے ساتھ 2 نومبر کو ابوظبی میں ہوگا۔ پاکستان کا کوالیفائیر بی 1 کے ساتھ مقابلہ 7 نومبر کو شارجہ میں ہوگا۔

اپنا تبصرہ بھیجیں