پاکستان کے وکٹ کیپر بلے باز محمد رضوان نے جاری ٹی ٹوئنٹی بلاسٹ میں دوبارہ سسیکس کاؤنٹی کلب کو جوائن کرلیا ہے۔
پاکستان کے 30 سالہ کھلاڑی محمد رضوان نے ویسٹ انڈیز کے خلاف تین ون ڈے میچز کی سیریز کے بعد دوبارہ ٹی ٹوئنٹی بلاسٹ میں سسیکس کاؤنٹی کلب کو جوائن کرلیا ہے۔
Our squad for the next two T20 matches against Essex and Glamorgan. 🌟
Mohammad Rizwan and Rashid Khan are back. ⚡ #SharkAttack
— Sussex Cricket (@SussexCCC) June 16, 2022
کلب کا کہنا ہے کہ محمد رضوان اور راشد خان کو ایسیکس اور گلیمورگن کے خلاف اگلے دو ٹی ٹوئنٹی بلاسٹ میچز کے لیے 14 رکنی ٹیم میں شامل کیا گیا ہے۔
واضح رہے کہ سسیکس اپنے گروپ میں چھٹے نمبر پر موجود ہے جبکہ انہوں نے اپنے ابتدائی 8 میچز میں سے 3 میں کامیابی اپنے نام کی جبکہ 5 میچز میں انہیں شکست کا سامنا کرنا پڑا ہے۔
تاہم 6 میچز اب بھی کھیلنا باقی ہے جس کی وجہ سے ان کی کوارٹر فائنل تک رسائی اب بھی ممکن ہے۔
ایسیکس کے خلاف میچ کھیلنے کے لیے ٹیم کل رات چیلم فورڈ روانہ ہوگی جس کے بعد گلیمورگن کے خلاف میچ کے لیے اتوار کی سہہ پہر جارڈف جائیں گے۔
