سارہ علی خان کا شمار ان باصلاحیت بولی وُڈ اداکاراؤں میں ہوتا ہے جنہوں نے بہت کم وقت میں ہندی سنیما میں شاندار کامیابیاں سمیٹیں۔
سارہ علی خان اپنی خوبصورتی اور ہر فلم میں محنت کے لیے جانی جاتی ہیں۔
ان کے والد اداکار سیف علی خان اور اداکارہ امریتا سنگھ بھی اپنے ودر میں بولی وُڈ پر چھائے رہے ہیں۔
سارہ کبھی اپنی بولڈ تصاویر اور وڈیوز کی وجہ سے تو کبھی اپنے بیانات کی وجہ سے زیرِ بحث رہتی ہیں۔
اس بار بھی انہوں نے ایسا بیان دے دیا ہے کہ سننے والے حیران رہ گئے ہیں۔
عوام تذبذب کا شکار ہیں کہ آخر انہوں نے ایسا کیوں کہا اور اس کا کیا مطلب ہے؟
سارہ علی خان نے اپنے والد سیف علی خان کے ساتھ “کافی ود کرن شو” میں شرکت کی، جہاں میزبان کرن جوہر کے ایک سوال کا جواب دینے کے بعد وہ سرخیوں میں آگئیں۔
شو میں جب کرن جوہر نے سارہ علی خان سے پوچھا کہ آپ کس سے شادی کرنا چاہتی ہیں تو انہوں نے کہا کہ میں رنبیر کپور سے شادی کرنا چاہتی ہوں اور کارتک آریان کو ڈیٹ کرنا چاہتی ہوں۔
جب کرن نے سارہ سے پوچھا کہ کیا وہ رنبیر کو ڈیٹ کرنا چاہتی ہیں؟ تو انہوں نے انکار کرتے ہوئے کہا کہ میں صرف رنبیر سے شادی کرنا چاہتی ہوں اور کارتک کو ڈیٹ کرنا چاہتی ہوں۔
لیکن کیا آپ جانتے ہیں کہ رنبیر کپور سارہ علی خان کے ماموں لگتے ہیں؟
رنویر کپور سارہ کی سوتیلی ماں کرینہ کپور کے بھائی ہیں۔ اس طرح وہ رشتے میں سارہ علی خان کے ماموں لگتے ہیں۔
لیکن سارہ علی خان نے بغیر کسی خوف کے سب کے سامنے اس خواہش کا اظہار کیا۔ غور طلب ہے کہ ان کے سامنے ان کے والد سیف علی خان بھی بیٹھے ہوئے تھے، اور یہ بات انہوں نے اپنے والد کے سامنے کہی تھی۔
