ناٹنگھم ٹیسٹ: نیوزی لینڈ 284 رنز پر آؤٹ، انگلینڈ کو جیت کیلئے 299 رنز درکار

ناٹنگھم ٹیسٹ میں نیوزی لینڈ نے انگلینڈ کو جیت کے لیے 299 رنز کا ہدف دے دیا۔

تفصیلات کے مطابق نیوزی لینڈ ٹیم اپنی دوسری اننگز میں 284 رنز بنا کر آل آؤٹ ہوگئی ۔پہلی اننگز کے ٹاپ اسکورر ڈیرل مچل دوسری اننگز میں بھی سب سےزیادہ 62 رنز بناکر ناقابل شکست رہے۔

ول ینگ 56 اور ڈیوون کونوے 52 بناکر دیگر نمایاں بلے باز رہے۔مائیکل بریسویل 25، ٹام بلنڈیل 24، میٹ ہینری 18 اور ٹرینٹ بولٹ 17 رنز بناکر آؤٹ ہوئے۔

کپتان ٹام لیتھم 4، ہینری نکلز 3، کائل جیمیسن ایک اور ٹم ساؤتھی بغیر کوئی رن بنائے آؤٹ ہوئے۔

انگلینڈ کی جانب سے اسٹورٹ براڈ نے 3، جیمز اینڈرسن اور میتھیو پوٹس نے 2،2 جبکہ جیک لیچ نے ایک وکٹ حاصل کی۔

Load/Hide Comments

اپنا تبصرہ بھیجیں