بالی ووڈ کے مسٹر پرفیکشنسٹ عامرخان اور کرینہ کپور کی آنے والی فلم ‘‘لال سنگھ چڈھا’’ کا ٹریلربالآخرگزشتہ روز جاری کردیا گیا۔
ٹریلرکا آغازعامرخان کی آواز میں پنجابی زبان کے مکالمے سے شروع ہوتا ہے گو فلم کی کہانی کھل کرواضح نہیں ہوئی لیکن اندازہ لگایا جاسکتا ہے کہ عامر خان کسی جسمانی نقص کا شکار ہیں تاہم بڑے ہوکروہ اپنی خامی پرقابو پاتے ہوئے فوج میں شمولیت اختیارکرتے ہیں ۔
کرینہ کپور بھی ٹریلرمیں اپنےانداز سے مداحوں کو چونکارہی ہیں
یہ فلم سال 1994 میں ریلیز ہونے والی ہالی ووڈ اسٹار ٹام ہینکس کیفلم ‘‘فوریسٹ گمپ’’ کا ہندی ری میک ہے، جوکہ 2022 میں سب سے زیادہ انتظار کی جانے والی فلموں میں سے ایک ہے۔
ہندی ورژن کے لیے فلم کی کہانی اتل کلکرنی نے لکھی ہے۔
فلم کے ڈائریکٹرادویت چندن ہیں جو اس سے قبل سیکرٹ سپراسٹار کی ڈائریکشن دے چکے ہیں، جبکہ اسے عامر خان پروڈکشنز، کرن راؤ، اور ویاکام 18 اسٹوڈیوز نے پروڈیوس کیا ہے۔
لال سنگھ چڈھا اس سے قبل 14 اپریل کوریلیزکی جانی تھی لیکن بعد ازاں عامرخان پروڈکشن ہاؤس کے آفیشل انسٹاگرام اکاؤنٹ پر فلم کی ریلیز ملتوی کرنے کا اعلان کرتے ہوئے کہا گیا کہ مقررہ وقت پر مکمل نہ کیے جانے کے باعث اسے اب 11 اگست 2022 کو دنیا بھرمیں ریلیزکیا جائے گا۔
عامر خان تقریباً 4 سال کے بعد بڑی اسکرین پرنظرآرہے ہیں،ان کی آخری ریلیز ہونے والی فلم ٹھگز آف ہندوستان تھی جسے باکس آفس پرخاص کامیابی نہیں ملی۔
