بالی ووڈ کے نامور سپر اسٹار سنجے دت نے کینسر کی تشخیص کے دنوں کا ذکر کرتے ہوئے اعتراف کیاکہ اس وقت انہوں نے اذیت ناک علاج پر موت کو ترجیح دی۔
بھارتی میڈیا رپورٹس کے مطابق سنجے دت عرف سنجو بابا نے ایک تازہ انٹرویو میں بتایا کہ جب انہیں پہلی مرتبہ معلوم ہوا کہ انہیں کینسر ہے تو انہوں نے موت کو گلے لگانا چاہا۔
سنجو بابا نے بتایا کہ جس وقت مجھے کینسر کی خبر دی گئی میرے پاس میری فیملی میں سے کوئی نہیں تھا، مجھے ایک لڑکے نے آکر کینسر کی خبر دی۔
انہوں نے بتایا کہ میری والدہ اور میری اہلیہ کا انتقال کینسر سے ہوا تھا اس لئے جب مجھے کینسر کا پتہ چلا تو میں نے فیصلہ کیا کہ مرجاؤں گا لیکن کیمیوتھراپی نہیں کراؤں گا۔
سنجے دت نے اپنی اہلیہ کے سپورٹ پر اپنا علاج شروع کرایا اور اکتوبر 2020 میں انہوں نے اعلان کیا کہ وہ کینسر سے نجات حاصل کرچکے ہیں۔
