فیفا ورلڈ کپ: دفاعی چیمپیئن فرانس کی ٹیم دوحہ قطر پہنچ گئی

قطرمیں ہونے والے فٹبال ورلڈ کپ کے لئے ٹیموں کی قطر آمد کا سلسلہ جاری جبکہ دفاعی چیمپیئن فرانس کی ٹیم دوحہ پہنچ گئی ہے۔

ٹورنامنٹ میں فرنچ ٹیم کی نظریں ٹائٹل کے دفاع پرمرکوز ہیں، جبکہ فرانس کی ٹیم اپنی مہم کا آغاز 22 نومبرکوآسٹریلیا کے خلاف میچ سے کرے گی۔

خیال رہے کہ فیفا ورلڈ کپ کا آغاز اتوار سے قطرمیں ہونے جارہا ہے۔

دنیا کے مقبول ترین کھیل فٹبال کےعالمی میلے کا 1930 سے 2018 تک 21 بارانعقاد ہوچکا ہے اور برازیل نے سب سے زیادہ 5 بار ٹائٹل اپنے نام کرنے میں کامیاب رہا ہے۔

اس کے علاوہ جرمنی اوراٹلی نے 4،4 ٹرافی اٹھائی، یوراگوئے، ارجنٹائن اورفرانس 2،2 بار ورلڈ چیمپیئن بنے چکے ہیں، جبکہ انگلینڈ اوراسپین کے حصے میں ایک ایک ٹائٹل آیا۔

ارجنٹائن کے لیجنڈری فٹبالر ڈیاگو میراڈونا کی 1986کے ورلڈ کپ میں انگلینڈ کے خلاف ہینڈ آف گاڈ گول کیلئے استعمال ہونے والی فٹبال 2.4 ملین ڈالرمیں نیلام ہوئی۔ میراڈونا نے ورلڈ کپ کوارٹرفائنل میں دو ناقابل یقین گول کرکے انگلینڈ کوشکست دی تھی۔

Load/Hide Comments

اپنا تبصرہ بھیجیں