بھارت کے لیجنڈری گلوکار بھوپندر سنگھ ممبئی کے اسپتال میںانتقال کرگئے۔
بھارتی میڈیا کے مطابق بھوپندر سنگھ کی اہلیہ متالی سنگھ نے ان کی موت کی تصدیق کرتے ہوئے بتایا ہے کہ وہ بڑی آنت کے عارضے میں مبتلا تھے۔
ڈاکٹرز کا کہنا تھا کہ گلوکار کو آنت کے انفیکشن کی وجہ سے 10 روز قبل اسپتال لایا گیا جہاں طبیعت خراب ہونے پر انہیں وینٹیلیٹر پر رکھا گیا اور اسی دوران انہیں دل کا دورہ پڑا جو جان لیوا ثابت ہوا۔
واضح رہے کہ گلوکار بھوپندر سنگھ نے ماضی کے عظیم گلوکاروں کشور کمار اور محمد رفیع کے ساتھ متعدد ہٹ گانے گائے ہیں۔
گلوکار کے مشہور گانوں میں آنے سے اس کے آئے بہار، کسی نظر کو تیرا انتظار آج بھی ہے اور حضور اس قدر بھی نہ اترا کر چلیے سمیت دیگر شامل ہیں۔.
