بگ بیش لیگ کا آغاز 13 دسمبر سے ہوگا جس کے شیڈول کا اعلان کردیا گیا ہے۔
کے ایم سی بگ بیش لیگ کے آفیشل ٹوئٹر اکاؤنٹ سے لیگ کے شیڈول کا اعلان کردیا گیا ہے جس کا افتتاحی میچ سڈنی تھنڈرز اور میلبورن اسٹار کے درمیان اوول میں کھیلا جائے گا۔
ایونٹ میں تین نئے وینیوز کو بھی شامل کیا گیا ہے جن میں ولنگٹن اسپورٹس گراؤنڈ البری، نارتھ سڈنی اوول اور کنیز شامل ہیں جبکہ اس کے علاوہ 17 مقامات پر میچز کروائیں جائیں گے۔
🗓 #BBL12 SCHEDULE 🗓
The 12th instalment of the Big Bash is coming your way this summer! pic.twitter.com/npDQAd7U7c
— KFC Big Bash League (@BBL) July 14, 2022
ایونٹ میں کل 56 میچز کھیلے جائیں گے جس میں پاکستانی کھلاڑیوں کی بھی شرکت کا امکان ہے جبکہ ایونٹ کا فائنل 4 فروری 2023 کو کھیلا جائے گا۔
بگ بیش لیگ میں آسٹریلیا کے تمام معروف کرکٹرز اپنی اپنی فرنچائزز کو دستیاب ہوں گے۔
واضح رہے کہ گذشتہ سال کھیلی گئی بگ بیش لیگ میں قومی کھلاڑی فخر زمان، حارث رؤف، محمد حسنین اورشاداب خان شامل تھے۔
