چسٹر لی اسٹریٹ: حال ہی میں ون ڈے کرکٹ سے ریٹائرمنٹ لینے والے انگلینڈ کے آل راؤنڈر بین اسٹوکس نے اپنے آخری ون ڈے میچ کے بعد ایک مداح کو اپنی ٹوپی دی۔
جنوبی افریقا کے خلاف اپنا آخری ون ڈے کھیلنے والے انگلش کرکٹر بین اسٹوکس نے گراؤنڈ سے باہر آتے ہوئے اپنی ون ڈے کیپ ایک ننھے مداح کے حوالے کی۔
بین اسٹوکس کے اس عمل کو سوشل میڈیا پر کافی پذیرائی مل رہی ہے اور صارفین دلچسپ تبصرے بھی کر رہے ہیں۔
واضح رہے کہ بین اسٹوکس نے 2روز قبل ون ڈے کرکٹ سے ریٹائرمنٹ کا اعلان کیا تھا اور انہوں نے گزشتہ روز ڈرہم میں جنوبی افریقا کیخلاف اپنا آخری ون ڈے میچ کھیلا تھا۔
