دبئی: ایشیا کپ ٹی 20 میں بنگلہ دیش نے افغانستان کے خلاف ٹاس جیت کر بیٹنگ کرنے کا فیصلہ کیا ہے۔
ایشیا کپ ٹی 20 میں آج بنگلہ دیش اور افغانستان کے درمیان میچ شارجہ کرکٹ اسٹیڈیم میں کھیلا جا رہا ہے۔ بنگلادیش کرکٹ ٹیم کے کپتان شکیب الحسن نے ٹاس جیت کر افغانستان کے خلاف پہلے بیٹنگ کرنے کا فیصلہ کیا۔
افغانستان کرکٹ ٹیم کے نمائندگی محمد نبی کر رہے ہیں جبکہ بنگلہ دیش شکیب الحسن کی سربراہی میں میدان میں اتری ہے۔
بنگلادیش ایشیا کپ 2022 کا پہلا میچ کھیل رہا ہے جبکہ افغانستان اپنا دوسرا میچ کھیل رہا ہے۔ اپنے پہلے میچ میں افغانستان نے سری لنکا کو 8 وکٹوں سے شکست دی تھی۔
