بالی ووڈ اسٹار امیتابھ بچن نے عالیہ اور رنبیر کے لیے ان کی زندگی کے نئے سفر کے آغاز پر اپنی نیک خواہشات کا اظہار کیا ہے۔
امیتابھ بچن نے فوٹو اینڈ ویڈویو شیئرنگ ایپ انسٹا گرام پر رنبیر اور عالیہ کو شادی کی مبارکباد دینے کے لیے اس جوڑی کی نئی آنے والی فلم ’براہمسترا‘ کا ٹیزر شیئر کیا ہے۔
اُنہوں نے فلم کا ٹیزر شیئر کرتے ہوئے لکھا کہ’خواہش ہے کہ ہماری ایشا اور شیو کو جوکہ زندگی کے نئے اور خاص سفر کا آغاز کر نے لے لیے تیار ہیں، محبت اور خوش قسمتی نصیب ہو‘۔
اُنہوں نے مزید لکھا کہ’آئیے اس خوشی کے جشن کا آغاز ٹیم براہماسٹرا کی طرف سے کسی خاص چیز کے ساتھ کریں‘۔
واضح رہے کہ عالیہ بھٹ اور رنبیر کپور آج شادی کے بندھن میں بندھ جائیں گے، اس جوڑی کی شادی کی تقریبات کا آغاز کل شب عالیہ بھٹ اور رنبیر کپور کی رسمِ حنا سے کیا گیا تھا جس میں رشتے داروں مہیش بھٹ، پوجا بھٹ، سونی رازدان، نیتو کپور، ردھیما کپور ساہنی، کرینہ کپور خان، شویتا بچن نندا، کرشمہ کپور، آیان مکھرجی، کرن جوہر اور قریبی دوستوں نے شرکت کی تھی۔
