سربیا سے تعلق رکھنے والے عالمی نمبر ون ٹینس اسٹار نوواک جوکووچ کے اپنے گھر کے کچن میں برتن دھونے کی ویڈیو وائرل ہورہی ہے۔
نوواک کی اہلیہ جیلینا نے ٹوئٹر پر ایک ویڈیو پوسٹ کی جس میں ٹینس اسٹار کو سِنک میں کھڑے برتن دھوتے دیکھا جاسکتا ہے، ساتھ ہی وہ اپنی اہلیہ سے سربین زبان میں گفتگو بھی کررہے ہیں جب کہ جیلینا اس دوران ویڈیو بنانے میں مصروف ہیں۔
ایک ٹوئٹر صارف کی جانب سے دونوں کی گفتگو کا انگریزی میں ترجمہ بھی کیا گیا جس کے مطابق نوواک نے اہلیہ کے پوچھنے پر برتن دھونے کو اپنی تیسری شفٹ قرار دیا۔
Jelena : What are you doing?
Novak : I am working 3rd shift in the kitchen.
The question is : What are you doing?
Jelena : I am filming, like any other good wife.
😂😂😂😂😂😂😂 https://t.co/wkdeT8tPh5— Lena 🐲🐲♏🇸🇰 (@billie_sport) September 7, 2021
نوواک کے مداحوں نے اپنے پسندیدہ کھلاڑی کو یوں گھر کے کاموں میں ہاتھ بٹاتا دیکھ کر خوشی اور حیرانی کا اظہار کیا۔
کھلاڑی کی اہلیہ نے ویڈیو پر مزاحیہ کیپشن درج کیا۔ انہوں نے لکھا کہ یہ نوواک کی تیسری شفٹ ہے۔ انہوں نے اپنے خاوند کو ‘موسٹ ویلیو ایبل پلیئر’ کے خطاب سے بھی نوازا۔
