ٹوکیو پیرالمپکس میں تاریخ رقم، پہلی بار پاکستان کے نام گولڈ میڈل
پاکستان کے حیدر علی نے ٹوکیو پیرالمپکس میں تاریخ رقم کردی، پاکستان کیلئے پیرالمپکس میں گولڈ میڈل جیتنے والے پہلے پاکستانی بن گئے۔
#GOLD FOR PAKISTAN!
Haider Ali #PAK wins the men's F37 discus throw and makes gives Pakistan their first ever medal at the #Paralympics!
They are the 84th different nation/NPC to score a medal at #Tokyo2020 – a new record!#ParaAthletics
— Paralympic Games (@Paralympics) September 3, 2021
حیدر علی نے ٹوکیو پیرالمپکس میں مردوں کے ڈسکس تھرو مقابلے میں شرکت کی، حیدرعلی نے پانچویں باری میں 55 اعشاریہ 26 میٹر کی کامیاب تھرو کی۔
پاکستان کے حیدر علی نے پیرالمپکس میں ڈسکس تھرو مقابلوں میں گولڈ میڈل جیتا۔
حیدر علی پیرالمپکس میں گولڈ میڈل جیتنے والے پہلے پاکستانی ہیں، انہوں نے اس سے قبل بھی پاکستان کیلئے دو پیرالمپکس میڈل جیتے۔
حیدر علی کا تعلق گوجرانوالہ سے ہے ، حیدر علی کی دائیں ٹانگ پیدائشی طور پر بائیں ٹانگ سے دو انچ پتلی اور ایک انچ چھوٹی ہے ، اپنے اس نقص کے ساتھ بھی وہ پاکستان کا نام عالمی سطح پر روشن کرتے دکھائی دیتے ہیں۔
دوسری جانب ٹوکیو میں جاری پیرا لمپکس میں پاکستان کی انیلہ عزت بیگ جیولن تھرو کے فائنل راؤنڈ کے لیے کوالیفائی نہ کر سکی تھیں، انیلہ نے 19.8 میٹر دور پھینک کر ابتدائی 10 ایتھلیٹس میں جگہ بنائی تھی لیکن فائنل راؤنڈ کے لیے 10 میں سے 8 کھلاڑیوں نے کوالیفائی کیا۔
