آئی سی سی مینز ٹی ٹوئنٹی ورلڈ کپ کے گروپ اسٹیج کے آٹھویں میچ میں ویسٹ انڈیز نے زمبابوے کو جیت کے لیے 154 رنز کا ہدف دیا ہے۔
ویسٹ انڈیز نے ٹاس جیت کر بیٹنگ کا فیصلہ کیا اور مقررہ اوورز میں 7 وکٹوں کے نقصان پر 153 رنز اسکور کیے۔
یہ میچ آسٹریلیا کے شہر ہوبارٹ میں کھیلا جارہا ہے جہاں اس سے قبل پہلے میچ میں آئرلینڈ نے اسکاٹ لینڈ کو 6 وکٹوں سے شکست دی۔
اس سے قبل گروپ اسٹیج کے مرحلے میں ویسٹ انڈیز کو اپنے پہلے میچ میں اسکاٹ لینڈ نے اپ سیٹ شکست دی تھی جب کہ زمبابوے نے آئرلینڈ کے خلاف فتح حاصل کی تھی۔
خیال رہے کہ ٹی ٹوئنٹی ورلڈ کپ کے پہلے مرحلے میں کوالیفائنگ میچز کھیلے جائیں گے، ٹورنامنٹ کے لیے کُل 8 ٹیموں کو دو گروپس میں تقسیم کیا گیا ہے۔
پہلے مرحلے کے اختتام پر چار ٹیمیں مین راؤنڈ سپر 12 کے لیے کوالیفائی کریں گی، سپر 12 راؤنڈ کا آغاز 22 اکتوبر سے ہوگا۔
