بالی ووڈ اداکارہ سشمیتا سین اور آئی پی ایل کے بانی اور نامور بزنس مین للت مودی کے بریک اپ کی خبریں سوشل میڈیا پر گردش کر رہی ہیں۔
گزشتہ کچھ دنوں سے یہ خبریں گردش کر رہی ہیں کہ سشمیتا سین اور للیت مودی کے درمیان تعلقات کچھ ٹھیک نہیں ہیں اور اب خبر آئی ہے کہ دونوں کا بریک اپ ہوگیا ہے کیونکہ للیت مودی نے انسٹاگرام پر اپنا بائیو اور تصویر تبدیل کرلی ہے۔
واضح رہے کہ للیت مودی نے اداکارہ سشمیتا کے ساتھ اپنے تعلق کی بات ایک پوسٹ کے ذریعے 14 جولائی کو بتائی تھی لیکن اب للیت مودی نے اپنے انسٹاگرام بائیو سے سشمیتا کا ذکر ہی حذف کر دیا ہے اور تصویر بھی تبدیل کر دی ہے۔
