عامر خان کی فلم Laal Singh Chaddha کا بزنس باکس آفس پر معمول سے کم رہا ۔ پہلے دن فلم نے صرف ساڑھے گیارہ کروڑ کمائے.
اسے تنازعات کہیے ، فلم کے خلاف مہم یا پھرایک کمزور فلم عامر خان کی نئی فلم لال سنگھ چڈھا مداحوں کو خوش کرنے میں ناکام نظر آرہی ہے ۔ گیارہ اگست کو بھارت کی کئی ریاستوں میں رکشا بندھن کے تہوار کے موقع پر بھی عامر خان کی فلم اچھا رسپانس نہ کر پائی ، اور باکس آفس میں اپنے نمبر بنانے پر سست روی کا شکار رہی
بھارتی میڈیا رپورٹس کے مطابق لال سنگھ چڈھا باکس آفس پر صرف 15-20 فیصد چھائی رہی جو کہ عامر خان کے لئے اچھی بات نہیں۔ تاہم باکس آفس میں ہی اکشے کمار کی فلم رکشا بندھن نے 8 کروڑ کمائے.
عامر خان اور کرینہ کپور کی لال سنگھ چڈھا ہالی وڈ فلم فارسٹ گمپ کا ریمیک ہے۔ یہ فلم 1994 میں ریلیر کی گئی تھی ۔فلم لال سنگھ چڈھا ریلیز سے پہلے ہی کافی تنازعات کا شکار رہی تھی ۔
ماضی میں عامر اور کرینہ کے فلم کا بائیکاٹ کرنے کے بیانات ٹوئٹر ٹرینڈ بنے رہے۔ جس پر عامر نے شائقین سے نہ صرف معافی مانگی بلکہ فلم تھیٹر میں دیکھنے کی درخواست بھی کی ۔
