بالی ووڈ کی باربی ڈول کترینہ کیف نے حال ہی میں شادی کے بندھن میں بندھے والے نئے جوڑے اداکار رنبیر کپور اور اداکارہ عالیہ بھٹ کو شادی کی مبارک باد دی۔
یہاں یہ بات بھی قابل ذکر ہے کہ کترینہ کیف اور رنبیر کپور انڈسٹری میں سب سے زیادہ پسند کی جانے والی جوڑی رہ چکے ہیں، ان دونوں کے درمیان فلم’عجب پریم کی غضب کہانی‘ کی شوٹنگ کے دوران قریبی تعلقات قائم ہوئے تھے۔
لیکن اب انڈسٹری میں کترینہ کیف اورعالیہ بھٹ کی بھی دوستی کے کافی چرچے ہیں۔
دیگر شوبز ستاروں کی طرح کترینہ کیف نے بھی سوشل میڈیا پرعالیہ بھٹ کی آنے والی نئی فلم “ ڈارلنگز“ کا ٹیزر شیئر کیا اور کیپشن میں لکھا ’آلو بہت اچھا‘ اور ساتھ ہی دو مسکراتے ہوئے ایموجی بھی بنائے۔
اس پوسٹ سے صاف ظاہر ہے کہ کترینہ کیف عالیہ بھٹ کو پیار سے ’آلو‘ پکارتی ہیں۔
ڈارلنگز 5 اگست کو نیٹ فلکس پرریلیز کی جائے گی اور یہ شادی کے بعد ریلیز ہونے والی اداکارہ کی پہلی فلم ہوگی۔
فلم کا ٹیزرگزشتہ روزجاری کیا گیا، ایک منٹ 39 سیکنڈز کے اس ٹیزر کا آغاز پس منظرمیں عالیہ بھٹ کے جاندارمکالموں سے ہوا، علامتی جملے ظاہرکررہے ہیں کہ شائقین کو کچھ بہت اچھا دیکھنے کو ملنے والا ہے۔
