بالی ووڈ کے سپر اسٹار شاہ رخ خان نے بھارتی فلم انڈسٹری کے معروف ہدایت کار راج کمار ہیرانی کی نئی فلم ’ڈنکی ‘ کی شوٹنگ کا آغاز کردیا ہے۔
شاہ رخ خان نے اپنے انسٹاگرام پر فلم ’ڈنکی‘ کی پہلی جھلک بھی شئیر کر دی ہے، جسے ابھی شئیر کیے آدھا گھنٹہ بھی نہیں ہوا کہ دنیا بھر سے ان کے چاہنے والوں نے لاکھوں لائکس اور کمنٹس بھیج کر خوشی کا اظہار کیا ہے۔
بالی ووڈ کو تھری ایڈیٹس، پی کے، سنجو اور منا بھائی ایم بی بی ایس جیسی سپر ہٹ فلمیں دینے والے راج کمار ہیرانی کی ہدایات میں بنے والی اس فلم ’ڈنکی‘ کی ریلیز کا بھی اعلان کر دیا گیا ہے جو کہ 22 دسمبر 2023 میں نمائش کے لئے پیش کی جائے گی۔
خبر رساں اداروں نے دعویٰ کیا ہے کہ شاہ رخ خان نے گزشتہ ہفتے سے نئی فلم کی شوٹنگ شروع کردی ہے، فلم کی ابتدائی شوٹنگ پنجاب کے گاؤں میں ہوگی۔
کنگ خان کے ساتھ اس فلم میں معروف اداکارہ تپسی پانو بھی اپنے جلوے بکھیریں گی۔
یاد رہے کہ شاہ رخ خان کی فلم پٹھان 25 جنوری 2023 کو ریلیز ہوگی جبکہ ان کے مداحوں کو اب ’ڈنکی‘ کا بھی بے صبری سے انتظار ہے۔
