انگلینڈ کے کامیاب ترین ٹیسٹ کپتان عہدے سے مستعفی

جو روٹ انگلینڈ کرکٹ ٹیم کے ٹیسٹ کپتانی کے عہدے سے دستبردار ہو گئے۔

تفصیلات کے مطابق جو روٹ نے انگلینڈ کرکٹ ٹیم کے ٹیسٹ کپتان کے عہدے سے استعفیٰ دے دیا ہے۔

جو روٹ انگلینڈ کے سب سے کامیاب ٹیسٹ کپتان ہیں۔ بطورت انگلینڈ ٹیسٹ کپتان جو روٹ کو سب سے زیادہ میچز کھیلنے اور جیتنے کا اعزاز حاصل ہے۔

ان کی کپتانی میں ٹیم نے 27 ٹیست میچز میں فتوحات حاصل کیں جو مائیکل وان کی 26 جبکہ سر الیسٹر کک اور سر اینڈریو سٹراس کی 24 فتوحات سے زیادہ ہیں۔

2017 میں الیسٹر کک کے جانشین کے طور پر مقرر ہونے کے بعد روٹ نے کئی سیریز میں فتوحات سمیٹیں جس میں 2018 میں بھارت کے خلاف 1-4 کی یادگار فتح بھی شامل ہے۔

2018 میں ہی جو روٹ 2001 کے بعد سری لنکا میں ٹیسٹ سیریز جیتنے والے انگلینڈ کے پہلے کپتان بن گئے۔ بعد ازاں 2021 میں بھی انگلینڈ ٹیم نے ان کی کپتانی میں سری لنکا میں 0-2 سے فتح حاصل کی۔

وہ الیسٹر کک کے بعد انگلینڈ کے دوسرے سب سے زیادہ ٹیسٹ رنز بنانے والے کھلاڑی ہیں۔

31 سالہ روٹ نے اب تک 117 ٹیسٹ میچز میں 25 سنچریز اور 53 نصف سنچریز کی مدد سے 49.19 کی اوسط سے 9889 رنز بنارکھے ہیں۔

کپتان کے طور پر ان کے 5295 رنز انگلینڈ کے کسی بھی کپتان کے سب سے زیادہ رنز ہیں جبکہ مجموعی طور پر اس فہرست میں وہ صرف گریم اسمتھ، ایلن بارڈر، رکی پونٹنگ اور ویرات کوہلی سے پیچھے 5ویں نمبر پر ہیں۔

Load/Hide Comments

اپنا تبصرہ بھیجیں