ویڈیو شیئرنگ کی سب سے بڑی ویب سائٹ یوٹیوب نے یہود مخالف تبصرے کرنے کے الزام میں اسلامی اسکالر ڈاکٹر اسرار احمد کے آفیشل ویب چینل کو معطل کردیا۔
ڈاکٹر اسرار احمد کے چینل کے تقریباً 30 لاکھ سبسکرائبرز تھے اور ان کے لیکچرز کو بڑی تعداد میں سراہا جاتا تھا۔
اسلامی اسکالر ڈاکٹر اسرار احمد کے چاہنے والے یوٹیوب کے اقدام پر ناراضی کا اظہار کرتے ہوئے کہہ رہے ہیں کہ وہ اسلام کے عظیم اسکالر ہیں جنہوں نے کبھی تشدد کی تبلیغ نہیں کی اور اپنے پیروکاروں کو تعلیم حاصل کرنے اور جدید ٹیکنالوجی سیکھنے کی تلقین کی۔
تنظیم اسلامی کے امیر شجاع الدین شیخ نے یوٹیوب پر ڈاکٹر اسرار احمد آفیشل یوٹیوب چینل کو بند کرنے کی شدید مذمت کرتے ہوئے اسے اسلاموفوبیا کی بدترین شکل قرار دیا۔
اُنہوں نے کہا کہ لاکھوں سبسکرائبرز اور کروڑوں ویورز کا حامل یہ عالمی شہرت یافتہ یوٹیوب چینل اسلام دشمن قوتوں کی آنکھوں میں روزِ اوّل سے کھٹکتا تھا۔
شجاع الدین شیخ نے کہا کہ مختلف مواقع پر جھوٹے عذر تراش کر بارہا اس پر پابندی لگانے کی کوششیں کی جاتی رہی ہیں۔
Asalamu Alaikum WrWb.
Removal of the Dr. Israr Ahmad Official #YouTube channel is a blatant act of #Islamophobia. Tanzeem-e-Islami has commenced a robust legal and procedural action in response to this shameful act on all relevant and concerned platforms.
Was Salam pic.twitter.com/KB5wpA8gNl— Tanzeem-e-Islami (@tanzeemorg) April 2, 2022
انہوں نے کہا کہ اسلاموفوبیا کے اس شرمناک فعل کے جواب میں تنظیم اسلامی نے متعلقہ پلیٹ فارمز کے ذریعے بھرپور قانونی چارہ جوئی کا آغاز کر دیا ہے۔
شجاع الدین شیخ نے متنبہ کیا کہ اگر مسلمانوں نے انفرادی طور پر اور امتِ مسلمہ میں بحیثیت مجموعی اسلاموفوبیا اور تعصب پر مبنی اس طرح کے واقعات کے خلاف بروقت اور بھرپور ردعمل نہ دیا تو اسلام دشمن قوتوں کی طرف سے اس نوعیت کے مزید اشتعال انگیز اقدامات کا سامنا کرنا پڑسکتا ہے۔
