بالی ووڈ کے معروف اداکار شاہ رخ خان کی اسپین میں اپنے مداحوں کے ساتھ لی گئی سیلفیاں سوشل میڈیا پر وائرل ہوگئی ہیں۔
اداکار اپنی نئی فلم پٹھان کی شوٹنگ کے لیے جون ابراہم اور دیپیکا پڈوکون کے ہمراہ اسپین میں موجود تھے جہاں اُنہوں نے فلم کی شوٹنگ کے دوران مداحوں سے ملاقات بھی کی اور سیلفیاں بھی بنوائیں۔
شاہ رخ خان کو فلم پٹھان کے لیے نئے ہیر اسٹائل میں دیکھا جاسکتا ہے جسے ان کے مداحوں کی جانب سے بہت پسند کیا جارہا ہے۔
یاد رہے کہ شاہ رخ خان نے اسپین سے مداحوں کے لیے فلم پٹھان کے سیٹ سے لی گئی ایک تصویر شیئر کی تھی جسے دیکھ کر مداح حیران رہ گئے تھے ،اس تصویر میں وہ 8 ایبس کے ساتھ سپر فٹ دکھائی دے رہے تھے۔
ادااکر نے اس تصویر کے کیشن میں لکھا تھا کہ شاہ رخ اگر تھوڑا رک بھی گیا تو پٹھان کو کیسے روکو گے، سب بنا ڈالوں گا۔
