آسٹریلوی کرکٹر گلین میکسویل کی دیرینہ گرل فرینڈ وینی رامن سے ہندو رسم و رواج کے مطابق رشتۂ ازدواج میں منسلک ہوگئے۔
آل راؤنڈر گلین میکسویل نے ایک ہفتہ قبل آسٹریلیا میں اپنی منگیتر وینی رامن سے شادی کرلی تھی تاہم، جوڑے نے چنئی میں ہندوانہ رسم و رواج کے مطابق شادی کی رسومات ادا کیں، جن کی تصویریں وائرل ہو چکی ہیں۔
میکسویل اور وینی نے شادی کی دو تقریبات منعقد کرنے کا فیصلہ کیا تھا، پہلے آسٹریلیا میں ہی جوڑے نے شادی کی تھی، پھر ہندو رسم و رواج میں بھی جوڑے نے شادی کی۔
جوڑے کی رواں ہفتے بھارتی طرز کی شادی کی تقریب کی ویڈیو وائرل ہے جس میں دیکھا جاسکتا ہے میکسویل اور وینی تامل شادیوں کی ایک مقبول رسم ادا کر رہے ہیں ۔
From Maxwell's wedding 💙❤️
Congratulations to this beautiful couple 💃💗 pic.twitter.com/z6vIEuiwja— edgedandtaken (@Blair_Waldorf45) March 28, 2022
جوڑے کا تامل میں پرنٹ شدہ شادی کا دعوت نامہ بھی سوشل میڈیا صارفین کی توجہ کا مرکز بنا ہوا ہے۔
Wedding Card invitation of Glen Maxwell and his wife Vini Raman in Traditional Tamil Language pic.twitter.com/3b8logCOZZ
— Heritage Guy (@HeritageGuy7) February 15, 2022
واضح رہے کہ میکسویل اور وینی رامن 2 سال سے زیادہ عرصے سے ڈیٹنگ کر رہے تھے اور اُنہوں نے فروری 2020 میں انسٹاگرام پوسٹس کے ذریعے اپنی منگنی کا اعلان کیا تھا۔
گلین میکسویل شادی کی وجہ سے دورہ پاکستان میں شریک نہیں ہوسکے۔
